اهم نصائح لتربية السلاحف البرية والمائية
والبرمائية
دى خلاصة خبرتي مع تربية السلاحف البرية و اتمني تصححولي لو في خطأ
ممنوع علي السلحفاة تيارات هوا بس برده ممنوع تتعرض لكتمة الشقة و الروائح
ممنوع عدم تغيير التربة للسلحفاة و ممنوع ماتعملش مكس للتربة عشان البتموس ليحافظ علي رطوبة السلحفاة والرمل بتاع الصحرا يحافظ علي بيءتها
ممنوع قلب السلحفاة علي ظهرها احشاءها بتضغط علي الرئة و تتخنق وتموت
ممنوع النمل تماما تماما يجي عند السلحفاة بيقتلها و يأكلها اكل و ممنوع الرش بيترش اي دول نمل بدون رائحة أمن علي الحيوانات حوالينا البيت
ممنوع تربية السلاحف مع الكلاب لأن لاقدر الله ممكن يأكلها
لو اتحطت في جنينة أو بلكونة أو سطح نخلي بالنا من الفران و الحيوانات الضارية بالذات لو مصري أو يوناني صغيرة
ممنوع تعيش السلحفاة من غير مخبأ دة روحها وحياتها عشان تعرف تنام و دة ينطبق علي كل الزواحف
السلاحف في بيئتها الطبيعية بالليل بتقعد تحت الصخور الي اتهرت شمس طول النهار وتدفي بيها مفيش أحلي من المخبا الصخري
لازم تدخل اعشاب جافة في روتين السلحفاة حتي لو بتموت في الخس عشان نسبة الكالسيوم بتكون عالية في الحشاءش الجافة انا عن نفسي جففت اوراق جرجير و نعناع و برشها علي الاكل
لازم سيبيا الاجانب بيحطوها صحيحة في البيت
لازم طبق ماية و يكون نضيف يتغير كل يوم
لازم يتحط الاكل مرتين أو مرة يوميا و يكون طازة لو مش طازة هتسد رمقها باي حاجة لحد ماتجيب طازة دة مهم ليها
السلاحف الصغيرة لازم الاكل متقطع صغير و مبشور علي قد بقهم
كل سلحفاة وليها ذوقها في الأكل والي تحبه أو ماتحبهوش حتي اجزاء الخضار و الخسة بيتغير ذوقهم فيها
لازم لمبة تدفءة و لمبة يوفي علي بعد أمن من السلحفاة و لازم بيت مفروش
اللمض لا تغني نهاءيا عن الشمس وان كانت بتسعف في يوم زى النهاردة كدة لا شمس و بارد جدا
الشمس روح السلحفاة ماتقدرش تعيش من غيرها احسن حاجة ليها سطح أو جنينة و جو نضيف جاف بدون روايح الشمس مهمة جدا عام تاكل و تخرج كويس و الايض بتاعها يشتغل تمام بدونها سبحان الله ماتعشي
احنا داخلين علي شتا اقسي موسم بالنسبة لها مفيش بيات شتوى في مصر درجة حرارة مصر مميتة بالنسبة لها لا تاكل و لا تباع شتوى فبتموت فلازم التجهيزات
ممكن تطمن علي السلحفاة من درجة حرارة الصدفة لو سقعانة أو حرانة حاول تحافظ علي حرارتها ٢٥
تنويع الاكل و تعويدها عاوز صبر عشان مناعتها سر حياتها
لو لسة بتربي جديد ممنوع تشتري فقس صغير و تربيه مش هقدر تتعامل معاه اشتري انثي بالغة عشان تستحمل و يفضل اليوناني لأن المصري معرض للانقراض
مفيش تحصينات السلحفاة بس ربنا مديها مناعة لا اتعرضت لظروف تربية غلط بتنتهي في لحظة
تربية السلاحف صعبة جدا و عاوزة انتباه و رعاية طول الوقت
كل فتفوتة من دول لو اتنست السلحفاة بتتعرض لأمراض وإخطار كتير لو مش معاك فلوس تشتري تجهيزات ما تربيش عشان دى مش زى للقطط و الكلاب مابتتحطش في الشقة دى من ذوات الدم البارد محتاجة تكيف مدام شلتها من مكانها انت مجبر توفرلها زيه والا وفر فلوسك
تربيتها صعبة بس هي قمر
بتعلم الصبر و الاحتمال و الهدوء و الرضا و روقان البال دى أحلي حيوان ربيته في حياتي
و دي اهم النصائح لتربية السلاحف واتمني ان تكون المقالة نالت اعجابكم جميعا كلكم
وداعا اصدقائي
Comments
Post a Comment